Lajmet e rreme (apo edhe kuptimi i ngushtë i fjalës dezinformim) është informacion i rremë ose i manipuluar, i cili shpërndahet me qëllim për të mashtruar, për të ndikuar në opinionin publik, për të përhapur konfuzion, ose për të përfituar. Zakonisht paraqitet si fakt i saktë, por në të vërtetë përmban fakte të shtrembëruara, kontekst të rremë apo imazhe/manipulime të fabrikuara.
Dëshiron të zbulosh më shumë në lidhje me dezinformimin? Lexo web faqen e Kombeve të Bashkuaraopen_in_new për dezinformimin dhe lajmet e rreme!
Shembulli: "HORROR NË KOSOVË: Student i shkollës së mesme i masakruar"
Rasti i raportimit të gabuar nga portali serb Aloopen_in_new më 22 nëntor 2023 kishte një titull alarmant: "HORROR NË KOSOVË: Student i shkollës së mesme i masakruar!", duke përdorur një foto nga një operacion i EULEX-it. Lajmi ishte i pavërtetë, siç e dëshmon artikulli i KoSSevopen_in_new që përshkruan se një nxënës kishte lënduar lehtë një tjetër nxënës. Qartazi ky incident nuk ishte "masakër" apo "horror" siç kishte raportuar mediumi mashtrues Alo, i cili me qëllim madje ka përdorur foto që nuk kishte lidhje me ngjarjen. Storiet e fabrikuara si kjo nxisin dhunë dhe urrejtje, fatmirësisht ka burime më të përgjegjshme si KoSSev.
Lajmi i rremë i publikuar nga portali Aloopen_in_new
Artikulli i raportuar drejt nga KoSSevopen_in_new
Mësim i nxjerrë: Kontrollo burime të ndryshme veçanërisht reputacionin e mediumit kontrollo. Shih nëse imazhet duken të vërteta apo të sajuara dhe nëse përkojnë me ngjarjen!