Besimi është personale ku asnjëri nuk ka të drejtë të gjykojë tjetrin. Gjuha e urrejtjes në baza fetare tenton t'i portretizojë besimtarët e një feje të caktuar si "të rrezikshëm", "inferiorë" ose "të papërshtatshëm". Kjo dëmton bashkëjetesën dhe harmoninë që duhet për të jetuar të qetë.
Foto nga Pascal Guyot, Getty Image
Rasti Sanchez (Francë): Përgjegjësia për komentet në Facebook
Gjatë një fushate zgjedhore, politikani francez J. Sanchez bëri një postim në faqen e tij publike në Facebook. Edhe pse postimi i tij ishte në rregull, dy persona të tjerë shkruan komente me gjuhë urrejtjeje kundër myslimanëve nën atë postim. Gjykata e shpalli politikanin fajtor bashkë me komentuesit. Arsyeja? Meqenëse ai e kishte hapur faqen vetë për të komunikuar me publikun, ai kishte përgjegjësi t’i monitoronte dhe t’i fshinte menjëherë komentet që nxisin urrejtje ose dhunë. Ky rast tregon se në rrjete sociale, ne jemi përgjegjës edhe për atë që lejojmë të tjerët të shkruajnë në profilin tonë publik.
Liria e shprehjes të lejon të kritikosh kundërshtarët nëse ke politika alternative më të mira. Por në platformën tuaj nuk mund të qëndrojnë porosi që sulmojnë një grup bazuar në identitetin e tyre, fenë apo prejardhjes e tyre.
Mësimi i nxjerrë: Ky shembull tregon se jo vetë që gjuha e urrejtjes dënohet por edhe nëse hesht dhe e lejon gjuhën e urrejtjes në hapsirën online, bëhesh bashkfajtor.